''Քրաքովիայէն` Փանամա – Սիւնհոդոսը երիտասարդներուն հետ ընթացքի մէջ'' միջազգային հաւաք։

(Ռատիօ Վատիկան) 5-8 Ապրիլ 2017-ին Հռոմի մէջ տեղի կ՛ունենայ ''Քրաքովիայէն` Փանամա. Սիւնհոդոսը երիտասարդներուն հետ ընթացքի մէջ'' խորագիրով միջազգային հաւաք մը, կազմակերպուած Աշխարհականներու, Ընտանիքի ու Կեանքի ժողովի ու եպիսկոպոսներու սիւնհոդոսի քարտուղարութեան  կողմէ, որով սկիզբ կ՛առնէ 2018-ի Հոկտեմբերին`  Հռոմի մէջ նշուելիք երիտասարդներուն նուիրուած եպիսկոպոսներու սիւնհոդոսի ընթացքը։ 

Հաւաքին առթիւ կը ներկայացուի նաեւ Սիւնհոդոսի նախապատրաստական  գործունէութեան ընթացքը։

Ուրբաթ` 7 ապրիլին, նախատեսուած է համերգ` մինչ շաբաթ 8 ապրիլ 2017-ի երեկոյեան 5-էն 7ը Սանթա Մարիա Մաճճորէ Հռոմի Տիրամօր նուիրուած տաճարին մէջ տեղի պիտի ունենայ Մարեմեան Արարողութիւն, զոր պիտի գլխաւորէ Ֆրանչիսկոս Պապը, Լացիօ մարզի երիտասարդներու մասնակցութեամբ, առ ի պատրաստութիւն երիտասարդութեան համաշխարհային 32-րդ օրուան որ կը նշուի կիրակի 9 ապրիլին` ծաղկազարդի տօնին օրը։